Bakının Yasamal rayonunun A.M. Şərifzadə küçəsində dayanacaq pavilyonlarının olmaması sakinlərə narahatlıq yaradır. Bu haqda bu gün, 22 avqust tarixində Bakuplus.az Space News-yə istinadən xəbər verir.
“İnşaatçılar” metro stansiyasının yaxınlığında avtobus dayanacağının işarəsi olsa da, avtobus gözləməyə yer yoxdur. Sakinlər yayda günəşin altında, payızda isə yağışın altında durmağa məcbur olurlar.
“Yay aylarında daha çox narahatlıq yaradır, yayda çox isti olduğuna görə avtobusu gözləmək çətin olur” - sakinlər narazılıqlarını bildirirlər.
Azərbaycan Yerüstü Nəqliyyat Agentliyinin (AYNA) mətbuat katibi Tural Orucov bildirib ki, bu ərazidə də avtobus dayanacaq pavilyonunun quraşdırılması planlaşdırılır. Qurum rəsmisi bildirib ki, yaxın gələcəkdə paytaxtda 100-dən çox pavilyonun quraşdırılması nəzərdə tutulub.
