Bakının Səbail rayonunda yerləşən Mərkəzi Nəbatat Bağı ərazisində uzun illərdir ki, “Şəki” restoranı və avtomobil təmiri sexləri fəaliyyətini davam etdirir. Bu baradə Bağın baş direktoru Natiq Allahverdiyev öz açıqlamasını verib.
Bu haqda Bakuplus.az APA-ya istinadən bu gün, 9 fevral tarixində məlumat verir.
O, bu ticarət obyektlərinin Mərkəzi Nəbatat Bağı ərazisinə və müəssisəsinə aid olub-olmadığını bilmədiyini deyib.
Direktorun sözlərinə görə, həmin obyektlər uzun illərdir ki, bu ərazidə fəaliyyət göstərir. Nəbatat bağında restoran və emalatxanaların yerləşə bilib-bilməyəcəyi ilə bağlı hazırda Bakı şəhər icra hakimiyyətinin və layihə institutlarının əməkdaşları bu məsələ ilə məşğuldurlar. BŞİH başçı Eldar Əzizovun tapşırığı ilə hazırda yoxlamalar aparılır, və hələ ki dəqiq məlumat yoxdur.
Restoran və emalatxanaların sonrakı fəaliyyəti üçün icazə yalnız şəhərin icra hakimiyyəti tərəfindən verilə bilər.
