Paytaxtın Nərimanov rayonu, Qarabağ küçəsi, 73 və 75-ci binaların həyətində yerləşən xeyir-şər evi 1 sakin tərəfindən zəbt edilib. Bu haqda bu gün, 31 mart tarixində Bakuplus.az Xəzər Xəbər-ə istinadən məlumat verir.
Sakinlərin sözlərinə görə, onlar 6 aydır ümumi istifadə üçün nəzərdə tutulan xeyir-şər evindən istifadə edə bilmirlər. İddialara görə, sözügedən evi 1 nəfər qonşu zəbt edilərək, orada idman zalı açmaq istəyir.
“Nə polis, nə də İcra Hakimiyyəti baxır. Xanım açarı götürüb və geri qaytarmır”, - deyə sakinlər şikayət edirlər.
Həmin xanım - Asiya Əsgərova isə iddialara cavab olaraq bildirib ki, işlər tam başa çatmadığından açarı qonşulara vermir.
“Gedib şikayət edirlər ki, açarı vermir. 1000 manata yaxın borc saxlayıblar, içəri zibillik idi. 1 ildir təmir edirəm oranı. 3-4 aya təmir bitəcək. Onda verəcəyəm açarı”.
[caption id="attachment_95721" align="alignnone" width="640"]
Foto Xəzər Xəbər[/caption]
