Paytaxtın Nərimanov rayonu, Ruhulla Axundov küçəsi, 32 ünvanında yerləşən binanın tavanı uçub. Bu haqda bu gün, 14 fevral tarixində Bakuplus.az Xəzər Xəbər-ə istinadən məlumat verir.
Bir neçə gün əvvəl gecə saatlarında, hamı yatdığı zaman evin tavanı uçub, binada çatlar böyüyüb. Həmin gecə sakinlər evdən çıxmağı bacarıblar, ancaq qalmağa başqa yerləri olmadığından uzun müddətdir qəzalı olan binada yaşamağa məcbur olublar.
“Hər gün evin tavanı sürüşə-sürüşə gedir. Gecələr sakitlik olanda qırıntıların səslərini eşidirik”, - deyə sakinlər bildiriblər.
Onların sözlərinə görə, 8 ildir bina qəzalı vəziyyətdədir. Dövlət qurumlarına dəfələrlə müraciət edilsə də, müdaxilə edən olmayıb. İndi də artıq bina çökməyə başlayıb.
Məsələ ilə bağlı Fövqəladə Hallar Nazirliyindən bildiriblər ki, qurum tərəfindən müvafiq orqanlara müraciət olunub. Müraciətdə sakinlərin köçürülməsinin vacibliyi də qeyd edilib.
[caption id="attachment_90597" align="alignnone" width="640"]
Foto Xəzər Xəbərin rəsmi Youtube kanalı[/caption]
