Nərimanov rayonunda yerləşən qəzalı yaşayış binasında antisanitariya hökm sürür. Bu haqda bu gün, 5 dekabr tarixində Bakuplus.az ARB-yə istinadən xəbər verir.
Söhbət Koroğlu Rəhimov küçəsində olan binadan gedir. Belə ki, binanın bəzi hissələri zibillik içindədir, üfunət bütün binanı bürüyüb. Binada qapı-pəncərələr belə qırıq-sökükdür. Tikili tərkedilmiş bir yerə oxşasa da, burada insanlar yaşayırlar.
Bundan əlavə, ümumi olan hamamlarda da böyük suların ağzı bağlanmır və israfçılıq yaranır.
“Uşaqlı, qocalı evlərdir. Gündə bir xəstəlik yaranır, gündə bir virus yayılır”, – deyə sakinlər şikayət edirlər.
Sözügedən bina 90-cı illərdə zavod işçilərinə verilmişdi. Hazırda burada ikiotaqlı mənzilə 30.000 AZN verirlər ki, bu da başqa yerdə ev almağa bəs etmir.
