Bakının Nərimanov rayonu, Əhməd Rəcəbli küçəsində qanunsuz parklanma təşkil olunur. Bu haqda bu gün, 28 noyabr tarixində Bakuplus.az Xəzər Xəbər-ə istinadən xəbər verir.
Sözügedən ərazidə “AzParking” sistemi tətbiq edilsə də, “sarı jiletlilər” fəaliyyət göstərməyə davam edirlər. Onlar qanunsuz parklanmanı təşkil edərək sakinlərdən pul tələb edirlər. Lakin bu ərazidə parklanma edənlər onlayn üsulla ödəniş etməlidirlər.
Əlavə olaraq parkinqə görə ərazidə 4 zolaqdan ibarət yolda hərəkət üçün yalnız 2 zolaq qalır. Bu vəziyyət isə digər sürücülərə və piyadalara çətinlik yaradır.
Oxşar vəziyyət Albert Aqarunovun heykəlinin yaxınlığında da müşahidə olunur.
“Parkovşik”lərin sözlərinə görə, aldıqları qanunsuz ödənişlərdən hər gün “plan” verməlidirlər.
Məsələ ilə bağlı Azərbaycan Yerüstü Nəqliyyat Agentliyinin (AYNA) mətbuat katibi Tural Orucov bildirib ki, “AzParking” infrastrukturu ilə əlaqəli olmayan ərazilərdə parklanmaya görə tələb edilən pul qanuni deyil.
Avqustun 1-dən AYNA parklanmanın idarə edilməsi üçün “AzParking” mobil tətbiqini təqdim edib.
