Bakının Nərimanov rayonunda yerləşən iaşə obyektində yoxlama keçirilib. Bu haqda bu gün, 23 may tarixində Bakuplus.az Azərbaycan Qida Təhlükəsizliyi Agentliyinə (AQTA) istinadən xəbər verir.
A.M.Cümə küçəsi, ev 32 ünvanında yerləşən “Number One” ictimai iaşə obyektində plandankənar yoxlamalar aparılıb. Baxış keçirilən zaman sanitariya qaydalarının pozulduğu məlum olub.
Həmçinin ictimai iaşə müəssisəsində Azərbaycan dilində markalanması və qida təhlükəsizliyi sertifikatı olmayan, eləcə də istehsal tarixləri qeyd edilməyən müxtəlif əmtəə nişanlı saxta alkoqollu içkilər aşkarlanıb.
Məhsullardan nümunələr götürülərək laboratoriyaya təqdim edilib.
Faktla bağlı qanunvericiliyə uyğun müvafiq tədbirlər görülüb.
