Nəsimi Rayon İcra Hakimiyyətinin başçısı səyyar qəbul keçirib. Bu haqda 13 iyul tarixində Nəsimi rayon İcra Hakimiyyəti məlumat verib.
Rayonun icra başçısı Asif Əsgərov 3 nömrəli Sahə İnzibati Ərazi Dairəsi üzrə keçirilən görüşdə sakinlərin müraciətlərini dinləyib. Qəbulda bir sıra məsələlərlə bağlı, o cümlədən mənzil məsələsi, yeni layihə ərazisinə düşən tikililərin sökülməsinin sürətləndirilməsi, qəzalı vəziyyətdə olan binalar, dam örtüyünün və qaz xəttinin təmiri, quru ağacın götürülməsi barədə müraciətlər edilib.
Bir qrup sakin yaşadıqları məhəllədəki evlərin istismar müddəti keçdiyindən yararsız və yaşayış üçün əlverişsiz olduğunu nəzərə alaraq yeni layihələrə salınması istəyini bildiriblər.
Müraciətlərlə bağlı qəbulda iştirak edən rayon İcra Hakimiyyəti Başçısı Aparatının, Mənzil-Kommunal Təsərrüfatı Birliyinin, kommunal xidmət sahələrinin məsul şəxslərinə müvafiq tapşırıqlar verilib.
