Bakının Nəsimi rayonunda növbəti məhəllə abadlıq, quruculuq işləri başa çataraq sakinlərin istifadəsinə verilib. Bu haqda bu gün, 22 noyabr tarixində Bakuplus.az Rayon İcra Hakimiyyətinə istinadən məlumat verir.
Söhbət Cavadxan küçəsi, 32, 36 və H.B.Əliyev küçəsi, 6/8 ünvanlarını əhatə edən ərazidən gedir. Təmir işləri çərçivəsində binaların fasadları və dam örtükləri əsaslı təmir edilib, yağış suları axıdan borular və navalçalar quraşdırılıb, 8 giriş qapısı və 32 pilləkən qəfəsinin pəncərələri dəyişdirilib. Həmçinin məhəllədaxili piyada yollarında yeni pilləkənlər tikilib, panduslar quraşdırılıb.
Bundan əlavə, həyətə 1000 kv.m-ə yaxın asfalt, 700 kv.m-dən artıq tamet daşı vurulub, 700 kv.m qazon salınıb. Eləcə də söhbətgah və oturacaqlar yerləşdirilib, müxtəlif növ uşaq oyun elementləri və idman qurğuları quraşdırılıb.
Sonda mövcud yaşıllıqlara və ağaclara aqrotexniki qaydada qulluq olunub, əlavə olaraq 100 ədəd şam ağacı və 500-ə yaxın müxtəlif növ gül kolları əkilib. 4 nöqtədə işıqlandırma sistemləri və 4 nöqtədə təhlükəsizlik kameraları quraşdırılıb, eləcə də avtomobillər üçün parklanma yeri yaradılıb.
[caption id="attachment_120634" align="alignnone" width="640"]
Foto Nəsimi Rayon İcra Hakimiyyəti[/caption]
