Nəsimi rayonu, Asif Məhərrəmov küçəsi, 60 ünvanında abadlıq işləri yekunlaşır. Bu haqda bu gün, 10 dekabr tarixində Bakuplus.az məlumat verir.
Həyətdəki qurumuş və qəzalı vəziyyətdə olan ağaclar kəsilərək ərazidən çıxarılıb. Binanın dam örtüyü əsaslı təmir olunub, yağış sularını axıdan boru və navalçalar dəyişdirilib, binanın fasadında əsaslı təmir-bərpa işləri aparılıb, giriş blokları təmir olunaraq aqlay daşlarla üzlənib, qapı və pəncərələr yeniləri ilə əvəz olunub.
İcra hakimiyyəti tərəfdən söhbətgah, oturacaqlar və müxtəlif növ uşaq oyun elementləri, həmçinin məişət tullantıları üçün konteynerlər quraşdırılıb. Hazırda həyətdə idman avadanlıqları quraşdırılır, paralel olaraq səki daşları düzülür, istinad divarları, bordürlər, səkilər təmir-bərpa olunur.
Həmçinin işıqlandırma sisteminin təmiri və asfalt örtüyünün salınması da nəzərdə tutulub.
[URIS id=82632]
