Bakının Nəsimi rayonunda asfaltlanma işləri aparılır. Bu haqda bu gün, 1 may tarixində Bakuplus.az Rayon İcra Hakimiyyətinə (RİH) istinadən xəbər verir.
Genişmiqyaslı abadlıq-quruculuq işləri çərçivəsində rayon ərazisində yararsız vəziyyətə düşmüş bina həyətlərinin, eyni zamanda məhəllədaxili yolların asfaltlanması, pilləkənlərin tikilməsi və əsaslı təmiri işləri aparılır.
Artıq İlyas Əfəndiyev döngəsi ünvanında məhəllədaxili yollarda və həyətlərdə yeni asfalt örtüyü vurulub.
Hazırda rayonun müxtəlif ünvanlarında abadlıq-quruculuq və yenidənqurma işləri davam etməkdədir.
