Bakının Nəsimi və Səbail rayonlarında təmir və təmizlik işləri aparılıb. Bu haqda bu gün, 5 avqust tarixində Bakuplus.az məlumat verir.
Şəhərdə beynəlxalq tədbirlərin keçirilməsi ilə əlaqədar insanların kütləvi şəkildə istirahət edəcəyi parklarda, küçə və prospektlərdə təmizlik və abadlıq işləri keçirilib.
İməcilik zamanı prospekt və küçələrin səki kənarları, bordürlər, işıq dirəkləri, avtobus dayanacaqlarının ətrafı, kiçiktutumlu tullantı qabları və ətrafında sanitar təmizlik işləri görülüb.
Küləyin yaratdığı fəsadlar aradan qaldırılıb. Parklarda, abad həyətlərdə, xiyabanlarda ağaclar budanaraq ərazidən çıxarılıb, yaşıllıq zolaqlarına qulluq göstərilib. Eyni zamanda yağış kürəbənd xətləri tullantılardan təmizlənib.
