Nəsimi və Yasamal rayonlarında içməli suyun verilməsində problemlər mövcuddur. Bu haqda bu gün, 14 avqust tarixində Bakuplus.az Oxu.az-a istinadən xəbər verir.
Ərazidə içməli su yalnız səhər saatlarında qısa müddətə verilir ki, bu da isti yay günlərində kifayət etmir. Sakinlər "Azərsu" ASC-yə müraciət etsələr də, cavab almırlar.
İri Şəhərlərin Birləşmiş Su Təchizatı Xidmətinin (İŞBSTX) mətbuat katibi Ceyhun Musaoğlu açıqlayıb ki, təmir işlərinə avqustun 12-də başlanıb və genişmiqyaslı yenilənmə işləri görülür. Təmir-bərpa işləri nəticəsində suyun verilməsində dəyişikliklər edilib və su maşınları ilə təminat həyata keçiriləcək.
Oğuz-Qəbələ xəttindəki təmir-bərpa işlərinin avqustun 16-da axşam saatlarında yekunlaşacağı bildirilir.
