Nəsimi rayonunda qanusuz ağac kəsimi faktı aşkarlanıb. Bu haqda bu gün, 13 iyun tarixində Bakuplus.az Dövlət Ekoloji Təhlükəsizlik Xidmətinə istinadən xəbər verir.
Nəsimi rayonu Mirəsədulla Mirqasımov, Xan Şuşinski, İmran Qasımov və Mustafabəy Topçubaşov küçələrinin kəsişməsində “İnvest.M Construction MMC”nin çoxmərtəbəli yaşayış binaları inşa etdiyi ərazidə ağac kəsilməsi faktı aşkar edilib.
Araşdırma zamanı “İnvest.M Construction MMC” tərəfindən aparılan tikinti işləri nəticəsində sözügedən ərazidə kök üstündə yaş, bioloji inkişafda olan müxtəlif cinsli 6 ağacın qanunsuz kəsildiyi müəyyən olunub.
Faktla bağlı toplanmış materiallar Azərbaycan Respublikasının Baş Prokurorluğuna göndərilməsi üçün hazırlanır.
