Nəsimi rayonunda kafe sahibini hədələyən şəxslərə hökm oxunub. Bu haqda bu gün, 4 aprel tarixində Bakuplus.az Report-a istinadən xəbər verir.
Bakı Ağır Cinayətlər Məhkəməsinin qərarı ilə Cəlilabad rayon sakini Sakit Əlişov və Qəbələ rayon sakini Şahin Quliyevin hər biri 12 il müddətinə azadlıqdan məhrum edilib.
Təqsirkarlar Nəsimi rayonu ərazisində yerləşən kafelərin birində oranın sahibinin başına dəmir parçası ilə xəsarət yetiriblər. Daha sonra onun azyaşlı oğlunu stula bağlayıb bıçaqla hədələyərək 200.000 AZN verilməsini tələb ediblər.
