Paytaxtın Sabunçu rayonu, Maştağa qəsəbəsində yerləşən keçmiş xəstəxana narkomanların məskəninə çevrilib. Bu haqda bu gün, 14 dekabr tarixində Bakuplus.az Real TV-yə istinadən xəbər verir.
Bir zamanlar narkotik aludəçilərini bu bəladan qurtarmaq üçün çalışan xəstəxana binası indi narkomanlara gizlənməkdə kömək edir. Adıçəkilən qəsəbədə yerləşən və 90-cı illərdə narkoloji dispanser kimi fəaliyyət göstərən tikili indi baxımsız vəziyyətdədir. Buraya zibillər atılır, ərazi xarabalığa çevrilib. Sakinlərin sözlərinə görə, yayda üfunət iyindən buradan keçmək mümkün olmur.
“13 hektardan böyük ərazidir, 4 tərəfində də yaşayış var. Burada park tiksinlər və ya yeni xəstəxana yaratsınlar, ancaq belə nəzarətsiz buraxmasınlar”, - deyə sakinlər bildirirlər.
Daxili İşlər Nazirliyi məsələ ilə bağlı bildirib ki, daxil olan müraciət əsasında tədbirlər görüləcək və sakinlərin narahatlığı aradan qaldırılacaq.
[caption id="attachment_83061" align="alignnone" width="640"]
Foto Real TV rəsmi Youtube kanalı[/caption]
