Bu gün, 22 iyul tarixində sosial şəbəkələrdə Nizami Kinoteatrı yaxınlığında olan Qara Qarayevin abidəsinin cilalanmasına dair görüntülər yayılıb. Bu haqda Bakuplus.az məlumat verir.
Məsələ ilə bağlı Mədəniyyət Nazirliyindən bildirilib ki, işlər nazirlik tərəfindən aparılır.
“İşin icrası isə özəl bərpa şirkəti və Bakı Şəhər İcra Hakimiyyəti ilə birgə həyata keçirilir. Ekspertlər: Sənətşünaslıq üzrə fəlsəfə doktoru, heykəltaraş-bərpaçı Fərman Qasımov, heykəltaraş Orxan Nəbizadə prosesi nəzarətdə saxlayırlar”, – açıqlamada deyilir.
Abidənin sınmış və təbii təsirlərə məruz qalaraq keyfiyyətini itirmiş detalları dəyişdirilərək restavrasiya edilir. Yenilənmiş hissələrin mövcud hissələrlə eynilik təşkil etməsi üçün müəyyən yumşaq üsullu cilalama işləri icra edilir.
View this post on Instagram
