Nizami rayonu, Naxçıvanski, 38 ünvanında qarajlara görə park salmaq mümkün olmur. Bu haqda bu gün, 6 fevral tarixində Bakuplus.az Xəzər Xəbərə istinadən məlumat verir.
Belə ki, sözügedən ünvanda abadlıq işləri görülüb, park salınması planlaşdırılır. Ancaq ərazidə yerləşən qarajlar abad məhəllənin qurulmasında maneələr yaradır. Onların sahibləri isə obyektlərin sökülməsinə razı olmurlar.
“Nə maşınımızı saxlaya bilirik, nə uşağımız oynaya bilir. Heç olmasa, indi düzəldərdilər, rahat oturardıq”, – deyə sakinlər bildirirlər.
Şirkət əməkdaşlarının sözlərinə görə, obyekt sahibləri yalnız telefon vasitəsilə əlaqəyə çıxırlar və deyirlər ki, sənədləri var və söküntüyə razı deyillər.
Ekspertlər bildirirlər ki, obyekt sahiblərinə müvafiq qurumlar tərəfindən kompensasiya ödənilməlidir ki, qarajlar oradan götürülsün.
