Paytaxtın Nizami rayonu, Azər Manafov küçəsi, 8 ünvanında inşaat kranı binaların ortasında quraşdırılıb. Bu haqda bu gün, 19 dekabr tarixində Bakuplus.az Oxu.az-a istinadən xəbər verir.
Sakinlərin sözlərinə görə, 6-7 aydır 3 binanın ortasında yerləşən ərazini hasarlayıblar. Həyətə giriş-çıxışı 4 tərəfdən bağlayıblar və hündür inşaat kranını heç bir təhlükəsizlik qaydalarına riayət etmədən quraşdırıblar.
“Maşın saxlamağa yer qalmayıb. Ağaclar tələf olub. Deyirlər ki, rəsmi icazəmiz var, torpağı da almışıq”, - deyə sakinlər əlavə ediblər.
Nizami Rayon İcra Hakimiyyəti və Ekologiya Nazirliyindən məsələ ilə bağlı bildiriblər ki, hazırda araşdırma aparılır.
