Nizami rayonu, Qara Qarayev prospekti, 2a ünvanında abadlıq işləri aparılıb. Bu haqda bu gün, 6 mart tarixində Bakuplus.az Qafqazinfo-ya istinadən xəbər verir.
Aparılan abadlıq işləri çərçivəsində uşaq meydançaları və idman qurğuları və turnik trenajorları kompleksinin quraşdırıldığı idman meydançası yaradılıb. Ərazidə söhbətgahlar, oturacaqlar, eləcə də tullantılar üçün qutular qoyulub.
Həyətdə elektrik sistemi yenidən yaradılıb, yeni işıqlandırma dirəkləri, müşahidə kameraları quraşdırılıb, həmçinin binanın giriş hissəsində yol genişləndirilib, həyətin asfalt örtüyü və səki daşları yenilənib.
Bundan əlavə, 700-dən çox sakinin yaşadığı 9 mərtəbəli 7 bloklu bina əsaslı təmir olunub, hərəkəti məhdud sakinlərin rahatlığı üçün panduslar qoyulub, sakinlərin şəxsi avtomobilləri üçün parklama yerləri yaradılıb.
[caption id="attachment_131871" align="alignnone" width="640"]
Foto açıq mənbədən[/caption]
