Bakıda “Tullantıları ekoçantaya dəyiş” aksiyası keçiriləcək. Bu haqda Bakuplus.az Ekologiya Nazirliyinə istinadən xəbər verir.
Tədbir saat 11:00-da 23 avqust tarixində “Tullantını dəyərə, ekoçantanı vərdişə çevir” devizi altında baş tutacaq.
Aksiyanın şərtləri aşağıdakı kimidir:
- Şüşə butulka, banka və ya işlənmiş batareya qəbul olunur;
- Şüşə butulka, bankaların içərisində qida qalıqları olduğu halda qəbul olunmayacaq;
- 10 işlənmiş batareyaya görə 1 ekoçanta veriləcək;
- Ümumi tutumu 5 litr olan şüşə banka və butulkalara görə 1 ekoçanta veriləcək;
- Ümumi tutumu 35 litr olan müxtəlif plastik butulkalara görə 1 ekoçanta veriləcək.
Aksiya Araz Neftçilər Superstore - Nizami rayonu, Şərifli küçəsi 25 ünvanında yerləşən filialında təşkil olunacaq.
