Bakının Nizami rayonu, Özbəkistan küçəsində binanın inşaat işləri gecə aparılır. Bu haqda bu gün, 4 aprel tarixində Bakuplus.az ATV News-a istinadən xəbər verir.
Sözügedən ərazidə yaşayan sakinlər “Teymuroğlu Construction”a məxsus binada gecə vaxtı aparılan tikinti ilşərindən şikayət edirlər. Sakinlər aidiyyəti qurumlara şikayət etsələr də, problem öz həllini tapmayıb.
“Gecə saat 5-ə gədər beton tökürlər. Evdə xəstələr də, yaşlılar da var, gecə yatmaq mümkün olmur”, – deyə sakinlər şikayət edirlər.
Sözügedən MTK rəhbərliyi bildirdi ki, yük avtomobillərinin səhər saat 7-dən axşam saat 10-dək paytaxta girişi və şəhərdaxili hərəkəti qadağan edilib. Bu səbəbdən betonlanma işləri gecə saatlarında həyata keçirilir.
Qaydalar bunu tələb etdiyi üçün sakinlər bir müddət gecələr yuxusuz qalmağa məcbur olacaqlar.
