Karaokeyə getmək istəyən tanınmış bloger sosial şəbəkələrdə müzakirəyə səbəb olub. Bu haqda bu gün, 10 fevral tarixində Bakuplus.az blogerin İnstagram hesabına istinadən məlumat verir.
Belə ki, ötən gün “Balagan Baku”ya rəfiqələri ilə birgə getmək niyyətində olan “Nooshka” (Nuşabə Qandil) ləqəbli İnstagram blogeri tanınmış həkim Nəzrin Hüseynova tərəfindən qınanılıb. O, restorana zəng edərək qardaş ölkədə baş verən təbii fəlakəti səbəb tutaraq kobud şəkildə tədbirin təxirə salınmasını tələb edib.
“Sabahkı biabırçı karaokeyə görə zəng etmişəm. Nə məcburdur ki, bu eybəcərlər gəlib ulasınlar? Onlar utanmırlar? Bu nə biabırçılıqdır axı? Bu eybəcərlər paylaşım ediblər ki, sabah “Balagan”da karaoke olacaq. Siz karaoke hayındasınız? İndicə paylaşımları silsinlər, nə qədər ki, heç kim problemlə üzləşməyib”, - deyə yayılan səs yazısında qeyd edilir.
“Balagan Baku”nun administratoru bildirdi ki, şikayətçi tərəfin mövqeyi düzgündür və karaoke haqda paylaşımlar silinəcək. Lakin tədbirin keçirilib-keçirilməməsi haqda məlumat yoxdur.
Restoran öz səhifəsində “hekəyə” paylaşaraq bildirib ki, ötən gün əldə olunan gəlir Türkiyədə zəlzələdən zərər çəkən şəxslər üçün yardım məqsədilə göndəriləcək.
Həkim-endokrinoloq Nəzrin Hüseynova Ədliyyə Nazirliyinin Tibb baş idarəsində çalışır.
[video width="288" height="640" mp4="https://bakuplus.az/storage/photos/2023/02/karaoke-balagan_11.mp4"][/video]
