Bakıda qadın əri tərəfindən döyülüb. Ağır xəsarətlər aldığını iddia edən zərərçəkən bildirib ki, iki ay əvvəl ürəyindən əməliyyat olunub. Bu haqda bu gün, 17 iyul tarixində Bakuplus.az Xəzər Xəbər-ə istinadən məlumat verir.
Onun sözlərinə görə, aldığı ağır zərbələr tikişlərin qopmasına və qanaxmalara səbəb olub.
Onun həyat yoldaşı ilə sosial şəbəkədə tanış olduğu qeyd edilir. Qadın ərinin sosial şəbəkələr vasitəsilə dini tədrislər apardığını bildirib. Bu, qızın diqqətini çəkib. Bir neçə ay danışıblar və bir il əvvəl ailə həyatı qurmağa qərar veriblər. Rəsmi nikaha girməsələr də, kəbin kəsdiriblər.
22 yaşına qədər atasının himayəsində yaşadığını iddia edən zərərçəkmiş deyir ki, ögey anası ilə münasibəti pis olduğundan bundan sonra onun təkidi ilə əmisi oğlu ilə evlənib. İlk evliliyi uğursuz alınıb, lakin valideynləri onu geri almaqdan imtina ediblər. Bir müddət sonra gənc qadın onu döyən indiki əri Asimlə evlənib.
Məsələ ilə bağlı Daxili İşlər Nazirliyinə (DİN) müraciət ünvanlanıb. Qadın polis əməkdaşlarının iştirakı ilə müayinə edilib. Daha sonra o, Sosial Xidmətlər Agentliyi tərəfindən müvafiq müəssisəyə yerləşdirilib.
Ətraflı süjetdə:
