Müslüm Maqomayev adına Azərbaycan Dövlət Akademik Filarmoniyasının oktyabr ayı üçün təbirlər planını açıqlayıb. Bu haqda “AZƏRTAC” rel="nofollow" 5 oktyabr tarixində xəbər verib.
İlk konsert oktyabrın 8-də təşkil olunacaq. Tədbir Bakı Musiqi Akademiyasının 100 illiyinə həsr olunacaq. Solistləri, Xalq artistləri Fərhad Bədəlbəyli (piano), Yeganə Axundova (piano), Murad Adıgözəlzadə (piano) və Əməkdar artist İlham Nəzərova olan konsertdə Üzeyir Hacıbəyli adına Azərbaycan Dövlət Simfonik Orkestri çıxış edəcək. Konsert Xalq artisti Yalçın Adıgözəlov və Əməkdar artist Fuad İbrahimovun aparıcılığı ilə baş tutacaq.
Bakı Musiqi Akademiyasının 100 illiyinə həsr olunmuş konsert təkrar olaraq oktyabrın 22-də yenidən təqdim olunacaq.
Musiqisevərlər eyni gün saat 16.00-da Ağaverdi Paşayevin rəhbərliyi ilə F.Əmirov adına Azərbaycan Dövlət Mahnı və Rəqs Ansamblının çıxışını dinləyə biləcəklər.
Oktyabr ayının ikinci yarısında tamaşaçılara “Zəfərə aparan yol” adlı konsert proqramı təqdim olunacaq. 15 oktyabrda baş tutacaq tədbirdə Mustafa Mehmandarovun dirijorluğu ilə Üzeyir Hacıbəyli adına Azərbaycan Dövlət Simfonik Orkestri çıxış edəcək.
Oktyabrın 18-də Azərbaycan Dövlət Xor Kapellasının iştirakı ilə Beynəlxalq Azərbaycan Vokalçılar Festivalı çərçivəsində konsert proqramı təqdim olunacaq. Konsertin bədii rəhbəri və baş dirijoru, Azərbaycanın Xalq artisti Gülbacı İmanova olacaq.
