Paytaxtda avtobus sürücülərinin sayı kifayət qədər deyil, təkcə “BakuBus”a sürücü olmaq istəyənlər üçün 1000 vakansiya mövcuddur. Bu haqda bu gün, 25 iyul tarixində Bakuplus.az Xəzər Xəbər-ə istinadən məlumat verir.
Azərbaycan Yerüstü Nəqliyyat Agentliyindən (AYNA) verilən məlumata görə, təkcə ötən il Bakı şəhərində 200-dən çox avtobus istifadəyə verilib. Bu da ictimai nəqliyyatda sürücülərin çatışmazlığına səbəb olub.
Nümunəvi fəaliyyət göstərən avtobus sürücülərinə aylıq mükafatların veriləcəyi də diqqətə çatdırılıb.
Nəqliyyat üzrə ekspert Yasin Mustafayev hesab edir ki, çatışmazlıq bir neçə amildən qaynaqlanır: ““İşğaldan azad edilən ərazilərdə texnika ilə görülən işlərə sürücülər cəlb edilib. Eyni zamanda, şəhərdə də COP29-la bağlı işlərə də ciddi şəkildə işçi qüvvəsi cəlb olunub. Bu da ictimai nəqliyyatda boş yerlərin yaranmasına səbəb olub”.
Bununla bağlı “BakuBus”dan verilən məlumata görə, aprelin 1-dən etibarən “BakuBus”a sürücü vəzifəsinə 318 nəfər müraciət edib, nəticədə tələblərə cavab verən 166 namizəd işlə təmin olunub. Bir il ərzində 1000 sürücünün işlə təmin olunacağı gözlənilir.
Ətraflı süjetdə:
