Bakının Nizami və Suraxanı rayonlarında qaz təchizatında fasilə yaranacaq. Bu haqda bu gün, 8 dekabr tarixində Bakuplus.az “Azəriqaz”a istinadən xəbər verir.
Nizami rayonu, E.Süleymanov küçəsində yeni çəkilmiş yeraltı qaz xəttinin mövcud şəbəkəyə qoşulması ilə əlaqədar 11 dekabr tarixində saat 10:00-dan etibarən qaz təchizatı dayandırılacaq. Qaz təchizatı dayandırılan müddətdə E.Süleymanov, Naxçıvani, B.Nuriyev, İ.Məmmədov, Şərq küçələrində 2500 abonentin qaz təchizatında fasilə yaranacaq.
Suraxanı rayonu, Bülbülə qəsəbəsini təbii qazla qidalandıran qaz xətti üzərində aşkar olunmuş qaz sızmalarının ləğv edilməsi məqsədilə eyni tarixdə saat 10:00-dan etibarən qaz təchizatında məhdudiyyət yaranacaq. Qaz təchizatı dayandırılan müddətdə A.Rzayev, M.Mustafayev küçələrində və 2-ci Mədən ərazisində 2000 istehlakçının qaz təchizatında fasilə yaranacaq.
