Bakının mərkəzində küçədə yol çöküb. Bu haqda BakuPlus.az bu gün, 7 aprel tarixində xəbər verir.
Paytaxtın Səbail rayonu, Şövkət Ələkbərova küçəsində yol çökməsi baş verib. Yolun avtomobillər üçün nəzərdə tutulmuş hissəsində dəlik əmələ gəldikdən sonra əraziyə “Azərsu” ASC-nin texnika və canlı qüvvəsi cəlb olunub.
Yolun həmin hissəsindən keçən borularda sızma olduğundan, asfalt örtüyünün alt qatında çökmə başlayıb.
Hazırda ərazidə yaranmış vəziyyət aradan qaldırılır.
