Yasamal rayonunda, Zərgərpalan və Lev Tolstoy küçələrinin kəsişməsində yolun bir hissəsinin zəncirlə bağlanmasına yerli sakinlər və qurumlar aydınlıq gətiriblər. Bu haqda bu gün, 14 noyabr tarixində Bakuplus.az ARB Xəbər-ə istinadən məlumat verir.
Verilən məlumata görə, küçənin girişini elə ərazidə yaşayan sakinlər özləri bağlayıblar. Onların sözlərinə görə, küçənin bir hissəsi hər hansı mərkəzi yolla birləşmir. Əksər sürücülər də bundan xəbərsiz olduqlarına görə yoldan istifadə etmək üçün küçəyə girirlər.
Bakı Şəhər Dövlət Yol Polisi İdarəsindən (BŞDYPİ) isə bu vəziyyətin uzun müddətdir ki, təkrarlandığı deyilir. Zəncir ərazidən götürülsə də, sakinlər yolunu yenidən bağlayırlar. Hətta həmin ərazidə yaşayan bəzi şəxslər bu əmələ görə cərimələniblər.
Yolüstü Nəqliyyat Agentliyinin (AYNA) əməkdaşları da əraziyə baxış keçirilblər. Qurumdan bildirilib ki, problemin həlli üçün Zərgərpalan və Lev Tolstoy küçələrinin kəsişməsində mövcud olan düzünə və ya sağa hərəkət nişanı qalmaqla düzünə hərəkət edərkən qarşıda dalanı bildirən məlumatverici nişan əlavə olunacaq.
