Bakıda 9 təhsil müəssisəsində tikinti və əsaslı təmir işləri aparılır. Bu haqda bu gün, 31 iyul tarixində Bakuplus.az Elm və Təhsil Nazirliyinə istinadən məlumat verir.
Bakı Şəhəri üzrə Təhsil İdarəsinin tabeliyindəki 313 nömrəli tam orta məktəb üçün əlavə korpus tikilir, əsas korpusda isə əsaslı təmir aparılır, 57, 68, 141, 151 nömrəli məktəblər sökülərək yenidən inşa olunur. Eləcə də 59 və 324 nömrəli məktəblərin, 328 nömrəli uşaq bağçasının və Eşitmə qabiliyyəti pozulmuş uşaqların Respublika ixtisaslaşdırılmış körpələr evi-uşaq bağçasının əsaslı təmiri davam edir.
Həmçinin ehtiyac olan bütün təhsil müəssisələrində cari təmir və mühəndis-kommunikasiya işləri həyata keçirilir.
Paytaxt məktəblərində tikinti və təmir-bərpa işlərinin yaxın vaxtlarda başa çatdırılacağı gözlənilir.
