Paytaxt küçələrində avtomobillərini park edən sürücülər sonradan ərazidən çıxa bilmirlər. Bu haqda bu gün, 8 dekabr tarixində Bakuplus.az BakuTV-yə istinadən məlumat verir.
Sürücülərin ən çox qarşılaşdıqları problemlərdən biri odur ki, maşınlar yolun kənarında bir neçə cərgədə saxlanılır. İşlərini görüb gəldikdə vətəndaş görür ki, avtomobilin sağında və ya solunda, həmçinin önündə və ya arxasında digər nəqliyyat vasitələri park edilib. Bəzən sürücülər və sərnişinləri həmin avtomobillərin sahiblərini saatlarla gözləməli olurlar.
Ekspert Aslan Əsədovun sözlərinə görə, parklanma qaydalarının pozulmasına görə 20 manat məbləğində cərimə nəzərdə tutulur.
Məsələ ilə bağlı Baş Dövlət Yol Polisi İdarəsi sürücülərə kömək edə bilir.
“Ərazi üzrə Dövlət Yol Polisinin əməkdaşlarına məlumat verilərək həmin nəqliyyat vasitəsinin oradan çəkilməsi üçün kömək istənilə bilər.
Həmçinin avtomobili piyada üçün nəzərdə tutulmuş səkidə park edərək vətəndaşların narazılığna səbəb olmuş sürücülər DYP tərəfindən müəyyən edilərək qanunamüvafiq tədbirlər həyata keçirilir”, – deyə BDYPİ-nin əməkdaşı Elvin Hacıyev söyləyib.
