Bakıdakı “Landmark” hotelinin “Rotunda Roof Garden” restoranında 3-cü “Baku Piano Festival” Rebeka Orteqanın “Flamenko” qrupunun çıxışı ilə açılıb. Bu haqda bu gün, 17 iyun tarixində Bakuplus.az məlumat verir.
Rebeka Orteqa peşəkar karyerasına 19 yaşında flamenko ifaçısı kimi başlayıb. O, “Nottingham Flamenquitas” qrupu ilə çalışıb, Flamenko Karmen Amaya Mədəniyyət Akademiyasında klassik flamenko oxuyub, Madriddə dünyaca məşhur “Centro de Arte Flamenco y Danza Española Amor de Dios”da, “Escuela Mayor de Danza” və Sevilyadakı Peşəkar Rəqs akademiyasında təhsil alıb. O, həmçinin usta Manuela Noqalesdən müasir rəqs öyrənib.
Bakı Beynəlxalq Piano Festivalı iyunun 29-na kimi davam edəcək. Festivalda dünyaca məşhur və yerli peşəkar ifaçılar öz ab-havalarını yaradaraq tamaşaçılara böyük musiqili bayram hədiyyə edəcəklər.
View this post on Instagram
