Bakıda İT sahəsi üzrə sərgi keçiriləcək. Bu haqda bu gün, 29 mart tarixində Bakuplus.az xəbər verir.
“IT HUB Azerbaijan” adlı sərgidə 100-ə yaxın texnologiya və rəqəmsal şirkət iştirak edəcək. Tədbirdə ölkənin müxtəlif universitetlərində İKT sahəsində təhsil alan sonuncu kurs tələbələri və məzunlar ixtisaslarına uyğun karyera perspektivləri ilə tanış ola biləcəklər.
“IT HUB Azerbaijan” adlı sərgi 2 aprel tarixi saat 15:00-19:00 arası BANM-in Bayıl korpusunda baş tutacaq. Öncədən qeydiyyat vacibdir.
Tədbir İqtisadiyyat Nazirliyinin tabeliyindəki IV Sənaye İnqilabının Təhlili və Koordinasiya Mərkəzi (4SİM), Avropa Yenidənqurma və İnkişaf Bankı (AYİB), Bakı Ali Neft Məktəbi (BANM) və “StrategEast” şirkətinin birgə təşkilatçılığı ilə keçiriləcək.
