Azərbaycan Milli Qəhramanı şəhid Polad Həşimovun adını daşıyan küçə (keçmiş Admiral Naximov küçəsi) ötən il təmir olunub. Lakin yerli sakinlərin sözlərinə görə, məhəlləarası küçələr indiyə kimi asfaltsız qalır. Bu haqda bu gün, 1 dekabr tarixində Bakuplus.az məlumat verir.
Polad Həşimov küçəsi ilə Elvin Şükürlü küçəsinin kəsişməsində yaşayan sakinlər bildirirlər ki, həmin ərazidə küçənin 500 m uzunluğu olan hissəsinin təmirini hələ də gözləyirlər.
Daha öncə, ötən ilin sentyabr ayında Bakuplus.az həmin məsələni işıqlandırmışdır. Məqalədə verilən məlumata görə, Avtomobil Yolları Dövlət Agentliyinin nümayəndəsi bildirmişdir ki, Polad Həşimov adına küçə tamamilə təmir olunmuşdur, yola bitişən məhəllələr isə ilin sonuna qədər təmir ediləcək. Lakin bu günə kimi problem öz həllini tapmayıb.
[video width="368" height="640" mp4="https://bakuplus.az/storage/photos/2022/12/10000000_8379625758776098_8501470074335135349_n_1.mp4"][/video]
