Bakının Xətai rayonu, Ceyhun Həsənov, 81 ünvanında yerləşən prokurorluq işçiləri üçün tikilmiş binada daha bir neçə nöqsan aşkar olunub. Bu haqda bu gün, 15 iyun tarixində Bakuplus.az Oxu.az-a istinadən məlumat verir.
“Qayğı” mənzil-tikinti kooperativi tərəfindən inşa edilən binanın qarajında binanın bünövrəsi korroziyaya uğrayır. Sakinlərin sözlərinə görə, binanın qarajını son aylarda su basıb. Zirzəmidə daimi olaraq qrunt suları yığıldığına görə divarlar nəmişlik içindədir.
“Qayğı” mənzil-tikinti kooperativinin mühəndisi Seyfəddin Qaralov bildirib ki, qarajdakı kanalizasiya suyudur və onun qarşısının alınması istiqamətində iş görülür.
Fövqəladə Hallar Nazirliyindən bildirilib ki, yayılan görüntülərlə bağlı araşdırma aparılır.
