Bakının Nəsimi rayonu, Puşkin küçəsində məişət tullantıları üçün nəzərdə tutulmuş yeni konteynerlərin quraşdırılması işləri həyata keçirilir. Bu haqda bu gün, 11 may tarixində Bakuplus.az rayon İcra Hakimiyyətinə istinadən xəbər verir.
Küçə ərazisində təkrar emalı mümkün olan (kağız, karton, şüşə, metal, plastik və s.) tullantılar üçün mövcud müvəqqəti toplama meydaçası təmir edilib və yeni narıncı və yaşıl konteynerlər quraşdırılıb.
Rayon ərazisində iri ölçüdə olan məişət tullantıları konteynerlərinin ehtiyac olan ərazilərdə saylarının artırılması və quraşdırılması işləri davam etdirilir. Həmçinin hazırda rayonun ayrı-ayrı ünvanlarında təmizlik, abadlıq, quruculuq və yenidənqurma işləri davam etdirilir.
