Bir müddət əvvəl Yasamal qəbiristanlığını iki hissəyə bölən yolda hərəkət sxemi dəyişib. Bu haqda bu gün, 24 noyabr tarixində Bakuplus.az ARB Xəbər-ə istinadən məlumat verir.
İndi A.M.Şərifzadə küçəsindən qəbiristanlığa yola giriş qadağandır – orada müvafiq nişan quraşdırılıb. Lakin sürücülər dəyişikliklərə məhəl qoymur və bu yoldan qəbiristanlığa girməyə davam edirlər.
Küçələrin kəsişməsində hərəkəti qadağan edən nişan quraşdırılsa da, yol boyunca hər iki istiqamətdə hərəkətə icazə verən nişanlar hələ də götürülməyib.
Əksər sürücülər yol nişanlarına fikir verməyərək, köhnə yaddaşla bu yola çıxdıqlarını qeyd ediblər. Ərazidə xidmət göstərən polis əməkdaşları isə qaydaları pozan sürücülərə 80 manat və 3 bal cərimə tətbiq edirlər.
