Qış parkında yerləşən yeraltı keçidlərdə eskalatorların işləməməyi narazılığa səbəb olur. Bu haqda bu gün, 5 aprel tarixində Bakuplus.az İctimai TV-ya istinadən xəbər verir.
Parkla Heydər Əliyev Sarayı arasında yerləşən keçiddən gündəlik istifadə edənlər üçün uzun müddətdir problem yaradır. Əsasən, yaşlılar, fiziki məhdudiyyətli şəxslər, uşaq arabası ilə olan qadınlar keçiddən istifadə edən zaman çətinliklərlə üzləşirlər. Bu səbəbdən həyatını təhlükəyə atıb avtomobil yolunu keçənlər də olur.
“Ümumiyyətlə, şəhər ərazisində eskalatorların bəziləri bir tərəfli işləyir. Onlardan çoxu da bərbad vəziyyətdədir”, – deyə sakinlər şikayət edirlər.
Azərbaycan Yerüstü Nəqliyyat Agentliyindən (AYNA) bildirildi ki, sözügedən eskalatorların gələcək zamanda təmir olunması nəzərdə tutulub.
