İyunun 26-da Nərimanov rayonunda qətlə yetirilən Tural Kosayevin sevglilisi sosial şəbəkələrdə müxtəlif paylaşımlar edib. Bu haqda bu gün, 28 iyun tarixində Bakuplus.az Oxu.az-a istinadən məlumat verir.
"Bilirəm, Turalın ölümünün səbəbkarı mən oldum. Amma İsmayıl əl çəkmirdi. Mənə atdığı səslər var. Məni şantaj edirdi. Mən də Turalla görüşdüm. Tural məni qorumaq üçün onunla söhbət edirdi. Sonra silah səsi eşitdim. Mən çox ağır travmadayam. Bilib-bilmədən danışmayın. Tural, səni çox sevirəm", – deyə xanım paylaşımda qeyd edib.
Yayılan məlumata görə, hadisə qısqanclıq zəminində baş verib. Şahidlərin sözlərinə görə, mərhumun yanında xanım da olub: “Turalın maşınında xanım da əyləşmişdi. Arxasında isə qara maşın saxladı. Daha sonra avtomobillərdən düşdülər. Mərhum qıza görə İsmayıl Allahverdiyevi təhqir etdi. Mübahisədən sonra o, qaçmağa başladı, İsmayıl isə belindən silahı çıxararaq Turala atəş açdı”.
