Qaradağ rayonu, Qızıldaş qəsəbəsində bağça yoxdur. Bu haqda bu gün, 23 iyun tarixində Bakuplus.az Space TV-yə istinadən xəbər verir.
8000-dən artıq əhalisi olan qəsəbədə 34 ildir ki, bağça fəaliyyət göstərmir. Bir zamanlar təhsil ocağı olan tikili 1989-cu ildən işləmir və indi bura narkomanların yuvasına çevrilib.
“Körpələrimiz burada bağçaya getmək əvəzinə digər qəsəbələrə getməli olurlar. Bu isə həm çətindir, həm də sərfəli deyil”, - deyə sakinlər şikayət edirlər.
Narkomanların yuvası olmaqla yanaşı, baxımsız tikili həm də qəsəbə sakinlərinin zibilliyinə çevrilib.
Qaradağ rayon İcra Hakimiyyətindən məsələ ilə bağlı bildiriblər ki, təhsil ocaqları Elm və Təhsi Nazirliyinin səlahiyyətindədir. Buna görə də onlar ancaq müraciət yollaya bilərlər.
Təhsil Nazirlilyi isə məsələnin nəzarətə götürüləcəyini vəd edib.
