Qabiliyyət imtahanlarına qeydiyyata start verilir. Bu haqda bu gün, 15 may tarixində Bakuplus.az APA-ya istinadən xəbər verir.
Təhsil müəssisələrinin V ixtisas qrupu, tam 11 illik orta və ümumi 9 illik təhsil bazasında orta ixtisas təhsili müəssisələrinin xüsusi qabiliyyət tələb edən ixtisasları üzrə abituriyentlərin qeydiyyatına start verilir.
15-29 may tarixləri arası aşağıdakı ixtisaslar üzrə qeydiyyatdan keçmək mümkün olacaq:
Buraxılış imtahanını Azərbaycan dilindən fərqli dildə verən abituriyentlər Azərbaycan dili üzrə imtahanın nəticəsindən asılı olmayaraq, qeydiyyatdan keçə bilərlər. Lakin bu imtahandan qeyri-məqbul qiymət alan abituriyentlərin nəzərinə çatdırırıq ki, onlar 30 iyun tarixində keçiriləcək Azərbaycan dili imtahanının ikinci cəhdində məqbul qiymət aldıqları təqdirdə müsabiqəyə buraxılırlar.
21 aprel və 5 may tarixlərində keçirilmiş buraxılış imtahanlarında iştirak etmiş abituriyentlər nəticələr elan olunduqdan sonra müsabiqə şərtlərini ödədikləri halda qeydiyyatdan keçə biləcəklər.
Xüsusi qabiliyyət imtahanı ilə bağlı məlumatlarla elanın tam mətnində buradan tanış olmaq mümkündür.
