Azərbaycan Milli Elmlər Akademiyasının sabiq işçisi Səbuhi Hüseynov və kadrlar şöbəsinin müdiri kimi işləmiş həyat yoldaşı Gülüstan İsayevaya hökm oxunub. Bu haqda bu gün, 3 iyul tarixində Bakuplus.az Unikal.az-a istinadən məlumat verir.
Məhkəmə prosesi Bakı Ağır Cinayətlər Məhkəməsində hakim Azad Məcidovun sədrliyi ilə keçirilib. Qarabağda tədqiqat aparılması məqsədilə ayrılmış vəsaitlərin 92 min manatını mənimsəməkdə ittiham olunan şəxslərə cəza təyin edilib.
Hər iki şəxsə 5 il 6 ay həbs cəzası istənilsə də, hakimin qərarına görə, onlara 2 il sınaq müddəti təyin edilməklə şərti cəza verilib.
