Bakının Qaradağ rayonu, “Stansiya Qaradağ” adlanan ərazidə küçələr bərbad vəziyyətdədir. Bu haqda bu gün, 22 dekabr tarixində Bakuplus.az ATV Show-ya istinadən xəbər verir.
Sakinlərin sözlərinə görə, yollarda asfalt olmadığı üçün yağışdan sonra buradan keçmək mümkün olmur. Uşaqlar çətinliklə məktəblərə çatırlar.
“Həkimə getmək üçün ayaqlarıma torba bağlayıb çıxmışam ki, həkim məni qəbul etsin. Kanalizasiya xəttini çəkmək üçün özümüz pul yığdıq. Bu yolu həll etməyi isə vəzifəli şəxslərdən xahiş edirik”, – deyə sakinlər şikayət edirlər.
Məsələ ilə bağlı Qaradağ rayon İcra Hakimiyyətindən (RİH) məlumat verilib ki, sözügedən ərazidə 1100 kv.m sahədə asfaltlanma işləri görülüb. Qalan yollar isə növbəti il təmir olunacaq.
