Qaradağ rayonunda yerləşən avtomobil yolunda heç bir nizamlayıcı yoxdur. Bu haqda bu gün, 5 fevral tarixində Bakuplus.az ARB-yə istinadən xəbər verir.
“Sədərək” Ticarət Mərkəzi ilə Lökbatan qəsəbəsi arasında yerləşən yolda sürət həddini göstərən heç bir nişan yoxdur. Yalnız 1 ədəd radar var, onunla bağlı isə heç bir xəbərdaredici nişan qoyulmayıb. Bu da sürücülər arasında çaşqınlığıa səbəb olur.
“Bu yolda qəzaların sayı-hesabı yoxdur. 120-130 ilə sürürlər”, – deyə sürücülər bildirirlər.
Nəqliyyat eksperti Elməddin Muradlının sözlərinə görə, qanuna əsasən, yaşayış məntəqəsində sürət həddi 60 km/s-dır. Buna baxmayaraq, əgər yolda radar varsa, ondan əvvəl ya sürət həddi, ya da radar barədə xəbərdaredici nişan quraşdırılmalıdır.
Yerüstü Nəqliyyat Agentliyindən məsələ ilə bağlı bildirilib ki, ərazidə radar yeni quraşdırılıb və yaxın günlərdə maksimal sürət həddini göstərən nişan da qoyulacaq.
