Paytaxtın Qaradağ rayonu, Ümid qəsəbəsi, 2-ci küçə sakinləri baxımsız yollardan narazıdırlar. Bu haqda bu gün, 8 aprel tarixində Bakuplus.az Real TV-yə istinadən xəbər verir.
Yağışlı havada palçıq, küləkli havada isə tozanaq olan yollar sakinlərə çətinlik yaradır, eləcə də qəsəbədə fəaliyyət göstərən 164 saylı avtobusların küçəyə daxil olmasına əngəl törədir.
Bundan əlavə, avtobuslara minmək üçün dəmir yolu qatarını, daha sonra isə sürət həddi 100 km/s keçən Bakı-Qazax yolunu keçmək lazımdır. Piyada keçidi isə bu ərazidən 2 kilometr aralıda yerləşir.
Rəsmi qurumlar məsələdən xəbərdar olduqlarını və yenidənqurma işlərinin aparılmasının planlaşdırıldığını bildirib.
[caption id="attachment_39891" align="alignnone" width="800"]
Foto Real TV-nin rəsmi Youtube kanalı[/caption]
