Bakının Qaradağ rayonunda vətəndaşlar su ilə bağlı çətinlik çəkirlər. Bu haqda bu gün, 9 iyul tarixində Bakuplus.az ATV-yə istinadən xəbər verir.
Lökbatan qəsəbəsi, İkinci yaşayış massivində yaşayan sakinlər bir neçə ildir suya möhtac qalıblar. Onların sözlərinə görə, ərazidən su xətləri keçsə və sayğaclar olsa da, içməli su verilmir.
“Həyətdə əkilən ağacların hamısı quruyub. Yuxarı ərazidə yerləşən məhəllələrə su verilir. Amma bizdə heç həftədə 1 dəfə də su verilmir. Yay aylarıdır, su tapa bilmirik”, – deyə sakinlər şikayət edirlər.
Qaradağ Rayon Sukanal İdarəsinin baş mühəndisi İzmir Əmirovun sözlərinə görə, ərazidə yaşayan abonentlərin su təchizatının yaxşılaşdırılması məqsədilə ərazidə 55 kilovatlıq nasos aqreqatları quraşdırılıb. Hazırda ərazidə son tamamlanma işləri aparılır. Gələcək zamanda işlər yekunlaşacaq.
