Ötən gün Lökbatanda yerləşən 4 saylı doğum evi rüşvət qalmaqalı ilə üzləşib. Tibb müəssisəsinin əməkdaşı yenidoğulmuş körpənin atasından “şirinlik” istəyib. Bunu əks etdirən videogörüntülər sosial şəbəkələrdə geniş yayılıb. Bu haqda bu gün, 21 iyun tarixində Bakuplus.az Xəzər Xəbər-ə istinadən məlumat verir.
Hadisə ilə bağlı Lökbatan Tibb Mərkəzinin tərkibindəki 4 saylı doğum evinin baş həkimi Kəmalə Heydərova baş vermiş hadisə ilə bağlı açıqlama verib. O, həmin şəxsin doğum evinin şöbə müdiri olduğunu deyib. Baş həkimin sözlərinə görə, 6 aydır rəhbərlik etdiyi xəstəxanada o, ilk dəfədir bu kimi mənfi halla qarşılaşır.
TƏBİB-dən bildirildi ki, faktla bağlı araşdırma aparılır. Qısa bir zamanda ictimaiyyətə əlavə məlumat təqdim olunacaq.
