Azərbaycanda rəqəmsal tələbə kartlarından istifadə başlayır. Bu haqda bu gün, 16 avqust tarixində Bakuplus.az xəbər verir.
Rəqəmsal İnkişaf və Nəqliyyat Nazirliyi yanında İnnovasiya və Rəqəmsal İnkişaf Agentliyi (İRİA), Elm və Təhsil Nazirliyi və Azərbaycan Texniki Universiteti (AzTU) birgə rəqəmsal tələbə kartlarını istifadəyə verir. AzTU tələbələri artıq “mygov” tətbiqi vasitəsilə tələbə bileti məlumatlarını rəqəmsal təqdim edə biləcəklər.
Növbəti tədris ilindən kart universitetə giriş və imtahanlarda istifadə ediləcək. Tələbələr “mygov”da kartı görüb, “QR paylaş” düyməsi və ya unikal nömrə ilə məlumatları paylaşa bilərlər. Kartın PDF formatında paylaşılması da mümkündür. Məlumatlar “mygov Checker” tətbiqi və veb platforması ilə yoxlanılacaq. Tələbələr paylaşdıqları məlumatların tarixçəsini də izləyə bilərlər.
“Mygov” platforması dövlət ilə vətəndaş arasında vahid kommunikasiya kanalı yaradır.
