Paytaxtın Sabunçu rayonu, Ramana qəsəbəsi, Dadaş Bünyadzadə küçəsinin palçıqlı yolları sakinlərin şikayətinə səbəb olur. Bu haqda bu gün, 16 dekabr tarixidə Bakuplus.az xəbər verir.
Adıçəkilən küçədə qışda palçıq və gölməçədən, yayda isə tozdan hərəkət etmək mümkün deyil. Kanalizasiya sisteminin olmamasından xırda yağıntılardan sonra belə su evlərə dolur.
“Taksilər buraya gələndə bizdən əlavə pul istəyir və ya heç gəlmir. Təcili Tibbi Yardım belə bura gəlib çata bilmir. Nəmişlikdən evdə qala bilmirik. Daim xəstə oluruq”, - deyə sakinlər şikayət edirlər.
Ramana bələdiyyəsindən məsələ ilə bağlı bildiriblər ki, sözügedən küçənin təmiri planlaşdırılır və proqrama uyğun həyata keçiriləcək.
