Paytaxtın Sabunçu rayonu, Ramana qəsəbəsi, Südçülük sovxozunda sərnişin avtobusu qıtlığı yaşanır. Bu haqda bu gün, 19 dekabr tarixində Bakuplus.az ATV-yə istinadən xəbər verir.
Sakinlərin sözlərinə görə, 35.000 sakinin yaşadığı massivdə cəmi 4 avtobus işləyir. Onların da hamısı nasazdır, çox vaxt yolda qalır.
Massivdə fəaliyyət göstərən 163 nömrəli marşrut xəttinin daşıyıcı şirkəti bildirib ki, xətdə 9 avtobus işləyir. Əgər nəqliyyat vasitələri xarab olsa, dərhal yenisi göndərilir. Həmçinin yaxın zamanda yeni avtobusların alınması və xəttə 11 avtobusun buraxılması planlaşdırılır.
